婚戒@半島

星期六去尖沙咀廣東道簡直自找麻煩...
本來打算去1881睇婚戒....最後我提議去半島....
都係有我地想睇果幾個牌子姐....


先去Cartier....試左3款....只係覺得...ok..無咩特別....一隻有石$17,200, 一隻無石$ 14,900..
本來男友去之前覺得D款清清地,幾好...試左之後....佢話真係無咩特別...唔想買佢...
半島既服務無可置疑...可惜我地試試下又有一對 couple試...個 sales分散左集中力係我地度...本來每試一款佢都會介紹下......
後來變左無咩理我地...
只係由我地試...試完又唔太鐘意...就走左了....

之後到Piaget...service一流...一坐低先問我地要唔要水...又問點稱呼我地...好日子幾時....全程介紹D戒指都會叫下我個名..又會俾D意見...
講凡好詳細...訂要幾耐..我地係咩 size...叫我地慢慢試....仲話附近好多間其他牌子...叫我地試晒先....

可惜..一望落去佢D戒指款好一般...比較man...10對設計都係兩個環可以轉的..我地兩個都唔喜歡....試晒佢10對...都係諗下先..不過兩個 sales勁nice
勁好人...又問我地幾時影相...閒談好 relax....

最尾去 Van Cleef & Arpels...service唔洗講..一流.....單對單....每隻戒指都介紹....又介紹佢品牌...又問要唔要水..又問好日子幾時...
佢話一般無size都要半年....加刻名3個weeks...
試晒成盤戒子....講真..唔試唔知原來佢真係堅D...Cartier又係鉑金...佢又係鉑金...點解個質感差甘遠?
VCA真係重身好多....好鐘意呢個感覺........
最後....我對 NEW YORK真係一見鐘情...一帶上手...男友即刻話...嘩..你帶呢隻幾好睇呀...真係唔錯....
而男友就揀左隻好 plain既 4mm Toujours...佢話好實在....好鐘意

最後問價錢...NEW YORK $26,200. Toujours 4 mm, $ 19,000



返去商量過...比較過....既然大家對 VCA果對都甘鐘意...就決定左呢對...
遲D再去訂埋試埋個 size...