婚前 365日

酒席問題一直是各位新最 concern 的一環, 我們決定結婚後第一個問題都是圍繞"係邊度擺酒" 呢個課題...
由搜集到決定...我用了近 5個月時間去做總結..

我個人覺得...由於酒席呢樣野各人喜好不同....所以我沒有問朋友....所謂萬事起頭難...
我連有咩地方可以擺酒都未太清楚..所以第一步就係上網 search

我地倆口子傾過..擺邊度既原則


1. 一定要星期六 (所以set左2個星期六..如果睇岩場, 第一個揀既日子fulled, 就即刻問second choice
2. 一定是尖沙咀/銅鑼灣 (方便賓客為大前提,唔想人地去到老遠..)
3. 場地無柱樓底高


後感:
好多時大家 set左一D目標, 往往都會俾"錢"呢樣野限制住...
你可能會話: 係...個個都想方便..個個都想星期六日啦..貴丫嘛...
無可否認...星期五六日公眾假比平日貴 5%左右...
地點方便既區亦都一定貴D...


但個人覺得...如果唔 set 大家共識左既原則...
最後整整下就好多問題...又呢樣又果樣...
最終變左可能只係其中一方話晒事...另一方就唔開心...

所以既然呢個婚禮係大家既...不如睇場之前..大家拎出黎傾
大家著重D咩...到睇晒D場就用之前傾好既原則去決定




第一步:
由於我同男朋都希望係酒店度擺..所以集中火力去 search香港既酒店
大大話話都搵左近20間酒店出黎..(而呢20間酒店既地點係會考慮的)




第二步
就係唔理三七廿十一... 搵埋所有酒店既 contact  send email 去問幾多錢
當然要寫明有幾多圍同定左邊日..等對方可以介紹你佢地有咩 size既 ballroom or function room介紹
順便 check埋你大日子 available定既已book...(已book就唔洗晒時間啦,除非你超鐘意個場地你改日子姐...)



第三步
岩budget 既先去details 睇間酒店既 details...blogger 既意見....
問下自己.....其實自己對場地最著重既係D咩..


第4步
睇場...有幾個場睇完唔係果回事....加上我18圍原來係酒店擺處於尷尬位
1. 細Ballroom通常 for 22-28圍
2. Function room 12-16圍...多一圍都唔得...同埋好多 function room都真係好 function...大部份都係好似用黎開會用...
    比較完 ballroom..真係唔洗諗...


最後計過 budget...擺 ballroom 廿幾圍既場先似樣同滿意...我地係5月就落左訂了...無等婚展了..
3月已經問出年年尾既日子...有幾間都已經 full 左...唯有選 second choice日子...
最終定左係 尖咀 holiday inn ballroom B + C了..



TIPS: 
*提提各位新人...因為酒店有 18 個月 booking policy..多過 18個月既酒席..好多都未出價錢同唔俾 book的
  所以18個月前大家應該做好事前工夫..睇晒D場...叫sales 留意你地既日子..夠18個月一開始可以 book 就即confirm唔好再考慮其他野了...

*而家D酒席好似唔洗錢咁...好多人一早就會 book左...建議大家如果定左好日同星期六日果D..
  就一早 book...唔好等 expo...expo送D野...好多都係for 平日..而且好近而又未有人 book既日子..
 Standard送既野...免開缾費..餐前小食...車位加多D...蛋糕...等等....其實 sales都會送嫁喇...
只要你同人地好傾就得嫁喇.. ^^