金豬牌

好 suprise...媽咪前幾日經過金行...見到隻金豬牌好靘...佢話好襯對龍鳳厄...結果自己走去買左俾我....
好鐘意呀..我一放工返到屋企...佢就即刻拎俾我睇...問我鐘唔鐘意....
有咁大既心意....點會唔鐘意呀?

我感受到媽咪好盡力咁俾最好既野我....

金豬牌

本來一直都係留意龍鳳頸鍊嫁...近排講講下...原來金豬係好好意頭
我同未來老公都諗住生BB...所以都幾好..本來覺得隻豬好似好娘咁...
不過近排又覺得佢幾得意...同好大體...一大塊著"掛"睇落都 sharp D...
龍鳳真係要好大條先見到...相對就好重身...要2-3兩先覺眼...

相反金豬原來好平嫁咋....1兩已經好大體...因為佢好薄好輕嫁咋...

點好呢????

嫁妝

周大福/周生生


未來奶奶  vs  親愛媽咪

嫁妝

六福/周生生

星期六趁得閒同媽咪去睇下D金...當日金價 $17,400...算係呢排幾低水位..
先去六福,第一次帶咁多金上身...好興奮....試左好多...而六福D  sales好hard sell...俾埋件紅色抱我襯..
又強調要揀大體, 粗既龍鳳厄, 薄D冇所謂..因為日後都無機會帶..所以有咁粗我就試咁粗....
頸鍊方面...主要都係睇龍鳳鍊....唔想買金豬.....因為都係果句..好似唔靚....
加上同事話金豬係奶奶送...好少自己媽咪買喎....乜有D咁既傳統既咩?真係未聽過

中間果對比較粗...但其實薄到咩咁....媽咪唔like..覺得唔夠重身(佢比較傳統)....因為以前佢地個年代係好重同唔會磨沙
我同佢講...我都知...但當年D金平...買幾重都得啦...磨沙就無計...我見8,9成既款都係磨沙....可能而家興啦...

中間果對一兩多D...
個大喜喜字有D娘....太方型...呢對要$44,000

另外六福好 hard sell對龍鳳珍珠鍊.....又話珍珠著婚紗可以襯埋....又俾好多 catalogue我睇...好多 model今年行 catwalk都帶...
但媽咪同D sales一講...珍珠會黃嫁... d sales一聽完都唔敢再 sales..可能知媽咪識野...haahaa
加上我一定唔會帶金著婚紗....
所以唔考慮....條頸錬都要36,800

之後去左周生生...D金既款 stylish好多..重身少少...所以差唔多同六福重既厄會幼身少少,
我就鐘意佢D龍鳳設計....好似生猛D...haaahaa

厄大概 $38,000對
鍊 $31,800

工費入左周生生會有六折

最後試左成個下午...有D"支力"..決定下次先再睇...
途經景福....嘩...見到條龍鳳鍊好靚呀...不過應該好重秤...haahaa